شہید کشمیری لیڈر مقبول بٹ کی برسی پر وادی میں مکمل شٹر ڈاون

کشمیرمیڈیا سروس کے مطابق شہید کشمیری لیڈر مقبول بٹ کی برسی پر وادی میں مکمل شٹر ڈاون ہڑتال کی گئی۔ تمام چھوٹے بڑے شہروں میں دکانیں بند رہیں جب کہ مظاہروں سے خوفزدہ کٹھ پتلی انتظامیہ نے شہریوں کی نقل و حمل پر پابندیاں لگاکر اور انٹرنیٹ سروس بند کرکے پوری وادی کو فوجی چھاؤنی میں تبدیل کردیا۔

ادھر جموں شہر کے مضافات میں قائم بھارتی فوجی چھاؤنی ’سنجوان‘ پر حملے میں بھارتی فوجیوں کی ہلاکتوں کی تعداد 5 ہوگئی جب کہ متعدد زخمی ہیں۔ گزشتہ روز مقبوضہ کشمیر میں جموں شہر کے مضافات میں قائم بھارتی فوجی چھاؤنی ’سنجوان‘ پر مسلح افراد نے حملہ کیا تھا۔ بھارتی فوجی حکام کے مطابق فوجی کیمپ پر حملے کے بعد آپریشن مکمل ہوگیا ہے اور 5 اہلکاروں کی ہلاکت کی تصدیق ہوئی ہے جب کہ 9 اہلکار زخمی بھی ہیں۔ فوجی حکام نے دعویٰ کیا ہے کہ 4 حملہ آوروں کو بھی مار دیا گیا ہے جب کہ ایک شہری بھی فائرنگ کی زد میں آکر ہلاک ہوا۔

Leave a Reply

Your email address will not be published. Required fields are marked *