سلمان خان کی فلم’’ٹیوب لائٹ‘‘23جون کوریلیز ہو گی

فلم میں راحت فتح علی خان کے گانے ’’تنکاتنکا‘‘ نے تہلکا مچادیا
سلمان خان کے ساتھ چینی اداکارہ Zhu Zhu مرکزی کردار میں نظر آئیں گی
ممبئی (ویب ڈیسک )بولی وڈ سلطان سلمان خان کی آنے والی فلم ’’ٹیوب لائٹ‘‘ کے ریلیز ہونے میں ابھی 2 ہفتے باقی ہیں، مگر فلم کے ایک گانے نے ریلیز ہوتے ہی تہلکا مچادیا۔ٹیوب لائیٹ میں پاکستانی گلوکار راحت فتح علی خان کا گانا ’’تنکا تنکا دل میرا‘‘ بھی شامل ہے، جسے 2 دن قبل ہی ریلیز کیا گیا تھا۔گانے کو 9 جون سے اب تک 48 لاکھ 87 ہزار سے زائد بار دیکھا جاچکا ہے، جبکہ گانے کی تعریف کرتے ہوئے ہزاروں افراد نے اس پر کمنٹس کیے ہیں۔ سلمان خان کے ساتھ چینی اداکارہ Zhu Zhu مرکزی کردار میں نظر آئیں گی۔ڈائریکٹر کبیر خان کی اس فلم کو 23 جون ریلیز کیا جائے گا۔راحت فتح علی خان کی آواز میں ریکارڈ کیے گئے گانے کو لوگ سوشل میڈیا پر بھی شیئر کر رہے ہیں۔گانے کی ویڈیو میں سلمان خان اور ان کے بھائی سہیل خان کو جذبات سے بھرپور دکھایا گیا ہے، جب کہ ویڈیو میں بھارتی فوج کو سرحد پر دشمن فوج سے لڑتے ہوئے بھی دکھایا گیا ہے۔جذبات اور خوبصورت مناظر میں ریکارڈ کیے گئے اس گانے میں سلمان خان اپنے بھائی کی محبت میں قدرے جذباتی دکھائی دے رہے ہیں۔3 منٹ کے دورانئیے پر مشتمل اس گانے میں جہاں سلمان خان کے جذبات کو لوگوں نے سراہا، وہیں راحت فتح علی خان کی آواز نے بھی لوگوں کو گانے کی تعریف کرنے پر مجبور کردیا۔خیال رہے کہ سلمان خان کی دیگر فلموں میں بھی راحت فتح علی خان کے کئی گانے شامل ہیں، جن کی وجہ سے دبنگ ہیرو کی فلمیں کامیاب گئیں۔سلمان خان کی یہ فلم بھارت اور چین کے درمیان سرحدی تنازع پر 1962 میں لگنے والی جنگ کے پس منظر پر بنائی گئی ہے، جب کہ اس میں سلمان خان کے ساتھ چینی اداکارہ Zhu Zhu مرکزی کردار میں نظر آئیں گی۔ڈائریکٹر کبیر خان کی اس فلم کو 23 جون یعنی عیدالفطر کے موقع پر ریلیز کیا جائے گا۔

Leave a Reply

Your email address will not be published. Required fields are marked *